BSŞ Tibbi Sığortası

  

İşçilərin sağlamlığı hər bir təşkilatın inkişaf və gələcəyinin mühüm təzminat mənbəyi olduğundan BSŞ -nın fəaliyyətində Tibbi Sığorta xüsusi yer tutur.

BSŞ öz müştərilərinə ən yaxşı tibbi müəssisələrdə beynəlxalq standartlara uyğun tibbi təminatın təşkili ilə bağlı xidmətlərini təklif edir və tibbi müəssisələrdə sığortalanan şəxslərin hüquqlarının mühafizəsini təmin edir.

Şirkətin xüsusi tibbi bölməsində böyük təşkilatçılıq və müalicə təcrübəsinə malik peşəkar həkimlər çalışır. Tibbi bölmədə 9 həkim, 2 ekspert və 4 dispetçer fəaliyyət göstərir. BSŞ xarici dil bilən səriştəli həkimlərin çalışdığı tibbi dispetçer xidmətini təşkil edib. Dispetçerlər çətin vəziyyətdə öz yardım əlini sığortalanan şəxslərə uzadaraq yaranan problemləri operativ şəkildə aradan qaldırmağa və sığorta proqramı ilə bağlı yaranan suallara təfərrüatlı cavab verməyə hazırdır. Müalicənin keyfiyyətinə müntəzəm nəzarəti şirkətdə çalışan ekspertlər, yaxud işə cəlb olunan mütəxəssislər həyata keçirir. BSŞ sığortalanan hər bir kəsin şəxsi nəzarətinə zəmanət verir. Müştərilərə göstərilən xidmətin pulunu alan tibbi bölmə sığortalanan şəxsin sağlamlığı haqda statistik məlumat toplayır. Davamlı əldə edilən informasiyaya görə aylıq xəstəlik təhlili aparılır.

BSŞ respublikanın ən yaxşı klinikaları ilə müqavilə imzaladığından müştərilərdən çəkilən xərcin müqabilini gözləmək tələb olunmur. Şirkətin əsas ortağı müalicə metodları, müasir avadanlığı və səriştəli heyəti ilə tanınan Mərkəzi Klinik Xəstəxanadır. Bütün bunlar qısa zaman ərzində müştəriləri hərtərəfli müalicə ilə təmin etməyə imkan verir. Müalicənin keyfiyyətini artırmaq məqsədilə şirkət tibbi müəssisələrə kapital qoyuluşu məsələsi üzərində çalışır.

BSŞ-nin təklif etdiyi xidmətin spesifikliyi ondadır ki, hər kəs zəruri sığorta proqramının tərtibatında iştirak edib, təklif olunan tibbi xidmətlərin növ və həcmini müəyyənləşdirib, müalicə olunacağı tibbi müəssisəni seçə bilər. Biz sizə sığorta sistemi ilə bağlı geniş seçim imkanı təqdim edirik.

Əsas diqqəti uzun müddətli əməkdaşlığa yönəldən BSŞ müştərilərini güzəştli satış, imtiyaz və qismən ödəmə sistemi ilə təmin edir. Hər hansı sığorta növü haqda müqavilə imzalayan müştərilərə əlavə xidmət və imtiyazlar təqdim olunur.

BSŞ işçilərinizə nə vəd edir?

BSŞ-nin təqdim etdiyi dəyişik çeşiddə tibbi sığortalar sahibkarları arzuladıqları müavinət proqramı ilə təmin edir. Bu proqrama əsasən onlar imkanları daxilində özlərinin və ailələrinin ehtiyacı olan sığortanı əldə edə bilirlər.

Ehtiyaclarının hərtərəfli ödənilməsi üçün işçiləriniz tam mühafizə paketinə sahib olmalıdır. Bunun üçün siz hər birində fərqli sığorta səviyyələri təklif edilən tibbi xidmət tiplərindən birini seçməlisiniz. Məsləhət və ya yardım üçün işçiləriniz 24 saat boyu fəaliyyət göstərən telefon xəttinə müraciət edə bilər. Bunun üçün onlar üzvlük kartında və ya digər sənədlərdə göstərilən telefon nömrələrinə zəng etməlidir. Təcili yardım xidməti üzrə ixtisaslaşan ortağımız – Mərkəzi Klinik Xəstəxana lazımi təcili yardım göstərməyə hazırdır. İş yeri uzaqda (ən azı şəhərdən 50 km uzaqda) yerləşirsə, BSŞ Mərkəzi Klinik Xəstəxana ilə birgə təcili yardım mərkəzini məhz həmin ərazidə yaradır.

Tibbi müəssisələrin siyahısında adı çəkilən xəstəxana və tibbi mərkəzlərlə bağlı şirkətin ehtiyacları Birbaşa Ödəmə Yolu ilə ödənir. (Sığorta təminatçısı olan BSŞ işçinin xəstəxana xərclərini xəstəxana ilə razılaşdırılmış müddət ərzində ödəyir.)

Bizimlə əməkdaşlıq etməklə siz işçilərinizdən nigaran qalmayacaq, tibbi avadanlıqlara əlavə xərc çəkməyəcək və bu avadanlıqlarla işləyəcək əlavə heyəti işə götürməyəcəksiniz. Çünki bunların hamısını biz təşkil edəcəyik. Bizimlə əməkdaşlıq sizin üçün bütün hallarda faydalıdır. Biz sizin vaxtınıza və pulunuza qənaət edərək öhdəçiliyinizi öz üzərimizə götürüb işçilərinizin tibbi problemlərini həll edirik. Yerli şirkət kimi biz sizin sığorta xərclərinizin gəlirdən çıxılmasına imkan yaradırıq. Aşağıda BSŞ-nin sığorta tibbi sığorta proqramları ilə tanış ola bilərsiniz;

  • Stasionar xidmətləri
  • Ambulator-poliklinika xidmətləri
  • Təcili və təxirəsalınmaz tibbi yardım xidmətləri
  • Dərman təminatı
  • Stomatoloji xidmətlər
  • Profilaktik tədbirlər
  • Profilaktik müayinə
  • Sanatoriya-kurort müalicəsi
  • Doğum və doğuma yardım
  • Şəxsi (ailə) həkimin xidmətləri

• Stasionar xidmətləri:

  • kəskin və ya kəskinləşmiş xroniki, terapevtik və ya cərrahiyyə xəstəliklərin inkişafı ilə əlaqədar çox profilli ixtisaslaşmış stasionarlara yüksək komfortlu bir nəfərlik palatalarda 24 saat ərzində fövqəladə və planlaşdırılmış hospitallaşdırma;
  • reanimasiya tədbirləri və intensiv terapiya;
  • xəstənin həkim tərəfindən müəyyən edilmiş müayinəsinin aparılması;
  • diaqnostik, laboratoriya və instrumental tədqiqatın genişlənmiş həcmi;
  • həkim məsləhətləri və digər peşəkar xidmətlər, konsiliumlar;
  • qəbul olunmuş tibbi standartlara uyğun olaraq aparılan tibbi müalicəvi köməyin göstərilməsi;
  • xəstənin lazımı dərmanlar, preparatlar və tibbi ləvazimatlarla təmin edilməsi;
  • həkim tərəfindən təyin edilmiş pəhriz yeməkləri ilə təmin olunması;
  • cərrahiyyə əməliyyatından sonrakı və ümumi palata xidməti;
  • reabilitasiya
  • lazım olduqda həkim heyətinin müşayiəti ilə xüsusi tibbi nəqliyyat vasitəsilə nəql;
  • azımi tibbi sənədləşmənin aparılması (xəstəlik vərəqələri, epikrizlər, ekspertin rəyi və məsləhətlər);

• Ambulator-poliklinika xidmətləri:

  • bütün ixtisaslar üzrə həkim qəbulu, məsləhəti, nəzarət;
  • həkim və ya tibb bacısının evə və ya ofisə çağırılması;
  • lazımi diaqnostik tədqiqatın aparılması (funksional diaqnostika, rentgenoradiologiya,ultrasəs, endoskopiya,laboratoriya və.s.);
  • geniş həcmli müalicəvi kömək göstərilməsi, o cümlədən, müalicəvi massaj, fizioterapiya, iynərefleksoterapiya, manual terapiya, balneolojik prosedurlar və s.;
  • kiçik cərrahi müdaxilə;
  • həkim təyinatı ilə müalicəvi prosedurların yerinə yetirilməsi;
  • ev şəraitində mütəxəssis təyinatının yerinə yetirilməsi;
  • böyüklər üçün pəhriz məsləhətləri, körpənin süni qidalanması və qidalanma məsləhətləri; - tibbi sənədlərin tərtib edilməsi və verilməsi (resept, arayış, xəstəxanaya göndəriş, ekspertin rəyi);
  • müvəqqəti olaraq əmək qabiliyyətinin itirilməsinin ekspertizası , əmək qabiliyyətinin itirilməsi haqda vərəqənin verilməsi və uzadılması;
  • ambulator şəkildə reabilitasiya; - digər hospitallaşma tələb etməyən tibbi xidmətlər.

• Təcili və təxirəsalınmaz tibbi yardım xidmətləri:

  • 24 saat ərzində müasir avadanlıq və yüksək ixtisaslı həkimlərlə təmin olunmuş ixtisaslaşmış təcili və təxirəsalınmaz tibbi yardım briqadalarının gəlişini təşkil etmək;
  • həyat üçün təhlükəli hal baş verdikdə təxirəsalınmaz tibbi yardım göstərmək;
  • tam dərman təminatı;
  • zəruri hallarda evakuasiya və hospitallaşdırma.

• Dərman təminatı:

  • ambulator müalicə zamanı müalicə həkimi tərəfindən təyin olunmuş pulsuz dərman preparatları və istifadə olunan tibbi ləvazimatların təminatı.

• Stomatoloji xidmətlər:

  • ixtisaslı tibbi müəssisələrdə sutka ərzində təxirəsalınmaz stomatoloji xidmət;
  • rentgenoloji müayinə, vizioqrafiya;
  • üz- çənə nahiyəsinin ağrısızlaşdırılması;
  • cərrahi stomatologiya;
  • kariesin və onun ağırlaşmalarının terapevtik müalicəsi, kompozit materiallardan istifadə etməklə plombaların qoyulması;
  • ağız boşluğunun iltihabi xəstəliklərinin, parodontit daxil olmaqla, çənə-üz nahiyəsində kəskinləşmiş abses və fleqlonanın müalicəsi.

• Profilaktik tədbirlər:

  • immun sisteminin kompleksli aktivləşdirilməsi;
  • epidemiya göstərciləri ilə əlaqədar və müxtəlif infeksiyalı xəstəliklərin profilaktika məqsədilə vaksinasiyası (qrip, hepatit A, hepatit B, difteriya, malyariya, xolera);
  • vitaminləşmə.

• Profilaktik müayinə:

  • Sığorta olunanın qabaqcadan razılaşmış müayinəsi üçün klinikada kompleks ölçülər;
  • müayinənin həcmi və qabaqcadan planın birgə tərtib edilməsi;
  • baza yoxlaması cinsi, yaşı, əmək növü və s. nəzərə alınan fərdi proqram əsasında tərtib olunur.

• Sanatoriya-kurort müalicəsi:

  • tibbi sənədləşmə ilə və Sığorta olunanın həkim–ekspertin rəyi ilə təsdiq olunmuş tibbi göstəriciləri olarsa stasionarın–sanatoriya və ya kurort şəraitində reabilitasiyabərpa müalicəsi təşkil olunur.

• Doğum və doğuma yardım:

  • hamiləlik dövründə həkim–mütəxəssislərin nəzarəti və məsləhəti;
  • hamilənin və dölün sağlıq durumunu qiymətləndirmək üçün lazimi laboratoriya və klinik – diaqnostik tədqiqatın aparılması;
  • doğuma hazırlıq;
  • doğumun başlanması zamanı Sığorta olunanın xüsusi nəqliyyat vasitəsi ilə stasionara daşınması;
  • doğum vaxtı təcili tibbi yardımın göstərilməsi; - ana və körpənin doğuşdan sonra rahat palatalarda yerləşdirilməsi;
  • doğum evində körpənin həkim–neonatoloq tərəfindən müayinəsi və nəzarəti.

• Şəxsi (ailə) həkimin xidmətləri:

  • Sığorta olunanın tibbi problemləri ilə tanış olması ;
  • fərdi tibbi proqramlar və dispanserizasiya planının işlənib hazırlanması;
  • mütəxəssislərin məsləhətləri, laboratoriya və instrumental tədqiqatlar;
  • təcili və planlaşdırılmış hospitallaşma zamanı şəxsi həkimin iştirakı və nəzarəti;
  • müalicə müəssisələrində Sığorta olunanın maraqlarının təbliğ olunması;
  • xəstəlik baş verdikdə hospitallaşma tələb olunmursa Sıgorta olunanın müntəzəm olaraq evdə yoxlanılması və zəruri hallarda stasionarın təşkil olunması; - lazımi tibbi sənədləşmə, əmək qabiliyyətinin itirilməsi ekspertizası, reseptlərin, göndəriş və rəylərin verilməsi;
  • telefonla məsləhətlərin verilməsi.

İstədiyiniz tibbi proqramı almaq üçün Sizin Beynəlxalq Sığorta Şirkətinə müraciət etməyiniz kifayətdir.